Waxan ahay nin duurkaa galoo, xoolo daaqsada'e Dugaaggiyo ugaadhaannu nahay, qaar is-daawada'e Dibin-daabyo uma geysto oo, waannu derisnaaye. Dub madow ah, diir midab cad iyo, dikhilka soo raaca Dadka nool adduunkaba haddii, laysku wada duubo Ruuxii danqaabmiyo qofkii, dakhar u soo gaadho Waa duuddi Nebi-Aadan oo, waw damqanayaaye Dabkana inaan bakhtiiyaan rabaa, daaray Aadmiga'e. Ha yeeshee dulmaa layga galay, ina Digaalow'e Dacwad inaan ku dhiibtaan rabaa, doodda Maansada'e, Cirka oon daruur lagu ogeyn, danabka soo hoobtay Ee duunyadaydii madhshee, Adhigi daadduunshey Denbi baan u haystiyo xumaan, daahirtoon galaye Wax la-yidhi; rag soo duuley baa, daannadaas dhigaye Dagaalkii magaalooyinkee, dawladaha joogey Degmadii miyiga waxa ku daray, iima daaddegine, Haddii ay Daqiiq kala xadeen, dahab iyo caanteynno Dillaalkii haddii laysku diley, dan iyo yeelkoode Bal maxaan ka daadshee aniga, laygu soo duuley? Daarihii New York ma-Awrtaa, dumisey oo jiidhtay? Dameeruhu ma-tororiisan baa, dilaya bayloodka? Duuliyuhu ma-Binlaadin buu, Dibiyadii moodey? Mise Daalibaan bay noqdeen, Adhi-dammaankaygu? Dawladdii daruuraha kortee, Dayaxa guud joogtey Iyo anigan duunyada watee, Geela daba jooga Waxa dirir wadaajiyo xarbigu, iima daaddegin. La soco qaybta danbe. ALLAA MAHAD LEH. Diyaarintii: DDDualeh. | ||
Friday 2 January 2009
DAAHYAALE
Subscribe to:
Post Comments (Atom)
No comments:
Post a Comment